تداول نشطاء في موقع التواصل الاجتماعي فيس بوك، وثيقة قيل عنها انها دعوى قضائية مقدمة الى السيد قاضي بداءة محكمة الكرخ، مقدمة من مواطن عراقي ضد الرئاسات الثلاث في العراق، مطالباً فيها بحقوقه من موازنة العراق الاتحادية منذ عام 2003 وحتى الوقت الحاضر، والتي حددها بمبلغ قدرة 2 مليار و210 مليون دينار عراقي كاستحقاق خاص من ميزانية العراق، باعتباره مواطن يحمل الجنسية العراقية. هذا الطلب الذي لم يتم التأكد من صحته تفاعل معه العديد من مستخدمي فيس بوك، حيث وصلت مشاركات هذه العرضية في صفحة (الخوة النظيفة) وخلال اول 6 ساعات فقط، اكثر من 360 مشاركة واعجب بها اكثر من 5000 شخص، اما عدد التعليقات فقد تخطى الاف تعليق.
شبكة النبأ تابعت بعض تلك التعليقات والاراء التي وردت بخصوص هذا المنشور، والتي تباينت ما بين التأييد المطلق والسخرية من هذا الامر الذي عده البعض حلم صعب التحقيق في بلد اصبح كل شيء فيه يخضع لنظام المحاصصة والتقسيم. فتحت هذا المنشور كتب (ميثاق الدليمي) قائلاً: هي خطوة جريئة بس اعتقد الاجراء تنقصه اللمسات القانونية ولو اني اعتقد القضاء يرد الدعوى، لان اذا اخذ حقه ف اكيد 30 مليون يريدون نفس الحق وما اصور الدولة عدها هاي الامكانية . بس المهم الفكرة والاجراء. عاشت ايدك. اما (Osaid MK) فقال: هذا الفعل يدل على وعي الشخص المدعي.. الشعب كله لازم يبدي يسوي هيج شيء. ومفروض يدرج ويه قضيته الفساد والاهمال وكل شيء جان اله سبب بتدمير العراق، وترويج الطائفية وادخال الجهات المخربة للعراق والتقصير وعدم الكفاءة.
Hamed Hadyda)) من جانبه قال: هذه الخطوة جيده جيد وأتمنى من اخوتنا الحقوقيين يعملون كليشه موحده لكل مواطن بشكل قانوني رصين وترفع لكل مواطن شكوى وتقدم بشكل جماعي وتكون جهة من المحامين يأخذون توكيل من الجميع ويتم رفع الدعاوي وايصالها الى اعلى سلطه ولو تطلب الامر رفعها الى الامم المتحدة، وبذلك نعمل ثوره صحيحه للإصلاح وبشكل هادئ وهادف.
ايده بذلك Ahmed Hakmat)) فقال: هذه الخطوة تكون في بلد مدني متحضر يكون فيه القانون فوق الجميع يكون للمواطن حقوق واحترام من قبل الحكومة لان الحكومة مجرد موظفين يديرون شؤن الدولة والحكم الحقيقي للشعب طبعا هذي في الدول المدنية المتقدمة ،، لكن احنة بدورنا نشجعك ونتمنى لك التوفيق. اما (محمد الجواد) علق قائلاً: يا اخي والله خطوة حلوة وتسوي واهس لمطالبة الحقوق بس المشكلة القضاء العراقي راح يطعن بهيچ دعاوى واعتقد حتى ما يطعن بيها ويخليها معلقه .. وما يصدر بيها أي حكم ونرجع للخطوة الاولى ونگول ما سوينه شي !!!.
اراء ساخرة
تحت هذا المنشور ايضاً علق(Murad Alluhiby) ساخرا فقال: أبن عمي اكعد راحه واستر على ريشاتك ترى وداعتك يسوونك شاورما يعني تريد تقدم دعوة ضدهم وهمة بيدهم السلطة والقانون وكلها ناس تغطي ع ناس _بدال الدعوة القضائية أرفع ايدك للسماء فهناك قاضي عادل لايجور وراح يأخذ حقك. (احمد البياتي) من جانبه قال: المفروض يأخذون منه بعد مليارين ومن كل مواطن شريف ومو شريف لان الرئاسات الثلاثة جاءت بطريقة شرعية وتم انتخابهم من قبل الشعب العراقي. فإذا كانت الحكومة منتخبه معناها الحكومة شرعية. وما يصير واحد يحجي وياها ولاكلمة الكل تسكت. مو اليوم تنتخبهم وباجر تشتكي عليهم. هذا تناقض!.
(احمد حسين) من جانبه قال: هذا لحاله هسه حتى اذا اجيب جاهل من الشارع يكدر يطعن بالدعوى بعدم الدستورية عمي خلينه ساكتين هذا كتبها و حتى يمكن ما قدمها بس هيج يريد يشتهراحنه محامين و نعرف هاي الكلاوات. اما(مصطفى المندلاوي) فقال هذا اكيد شاف الفلم المصري عايز حقي وكال خلي اسوي مثلهم ياحقوق هو البلد انتهى. (Lawyer Mustafa) قال تحت هذا المنشور: اولا قانونا لايحق له نشر عريضة الدعوى على وسائل التواصل الاجتماعي ويعتبر ذلك تشهير بالمدعى عليهم ومن حقهم اقامة دعوى ضده في محاكم النشر والاعلام، ثانيآ تمتعهم بالحصانة يعفيهم من المثول امام المحاكم الا في حال صوت البرلمان بنصف الاعضاء واكثر على رفع الحصانة عنه يمثلون امامها.
(ياسر ابراهيم نعمو) من جانبه قال منقدا بعض الاشخاص الذين سخروا من هذا الامر فقال: بالنسبة الي يضحكون تره هاي اهم واقوى خطوة ولو بدال الضحك كلمن يقدم هيجي شكوى شوفوا ترجع حقوقكم لو لا حتى لو القضاء مسيس الشكاوي تكدرون ترفعوها موجودة المحكمة الاتحادية. ايده بذلك Sofyan Fouad)) فقال: اكثر الي يسخرون منه وكالبيها تصنيف ....ساعدوا انتم هم سووو هيج ... والي ديكول هاي تصير بلد متحضر يا اخي منو يسوي متحضر غير اني وانت وكل الشعب عجيب السخرية من الحقوق المشروعة للإنسان الطبيعي.
(Amir Calm) قال: اين العدالة أيها الشعب العراقي تستهزؤون بحقكم ! تضحكون على مواطن مظلوم اين الاسلام اين اخلاق الصحابة والائمة التي تدعون بها في المجالس .ارحموا من في الارض يرحمكم من في السماء ..احترامي وتقديري للشخص المعني .على احترام حقوقه امام الله ورسوله .والساكت عن حقه شيطان .كل واحد ضحك واستهزاء شيطان لان ساكت عن حقه وظالم...
رابط المنشور..
اضف تعليق